هذه هى الكورسات المطلوبة فى مجال ال Data Analysis من الالف للياء

السلام عليكم .. متابعيني الأعزاء
يشرفنى إشتراك حضراتكم فى القناة وفى حالة وجود أي إستفسارات يشرفنى الرد عليها عبر ترك رساله فى تعليقات هذا الفيديو والرد عليها فوراً، ولتقديم إقترحاتكم للفيدوهات القادمة ولمتابعة كل جديد أدعوكم للتفضل بزيارة الصفحة الرسمية على موقع الفيسبوك Facebook بأسم Mostafa Attia
والتى يمكن الوصول لها عبر الرابط:
https://www.facebook.com/Mosta....fa-Attia-94670645216


ال Data Analysis لها كورسات كتير أونلاين بمسميات مختلفة وكل كورس فيهم بيخدم نقطة معينة أو مهارة معينة عند ال data analyst
ف دايماً يُفضل لو مش هتاخد منحة مثلاً زي ال ITI أو ALX ، ف الاتجاه الافضل هيكون الكورسات المنفردة أونلاين
مبدأياّ كدا ك Data Analyst مطلوب منك شوية مهارات لازم يكونوا معاكي في البداية ك entry level
1) Soft skills
زي Communication - Questioning - Teamwork - Critical Thinking
دي ال soft skills اللي عادة بتكون ضروري موجودة في ال Data Analyst والحاجات دي لها كورساتها المتخصصة لوحدها لكن في مسار جوجل بتقدمه مكون من 8 كورسات بيركزوا خلالهم إن ال soft skills تتطور فيك بنسبة 70 أو 80% وال 20% الباقيين بيركزوا على جانب ال Technical skills اللي هبدأ أتكلم عنها
بس قبل ما ابدأ ، دا لينك المسار على Coursera
https://www.coursera.org/profe....ssional-certificates

2) Technical skills
ودي نقدر نقول شوية Tools وشوية Programming languages
الشركات بتهتم إنهم يكونوا في ال Data Analyst
طب زي ايه؟
- Statistics
لازم على الأقل يكون معايا ال basics ودا ضروري جداً لا غنى عنه، طب اذاكر ايه فيه ممكن يكفيني ك entry level؟ ممكن نتكلم عن ال Descriptive statistics ، وفيما بعد نبدأ نذاكر Inferential statistics و ممكن Probability لو احتاجنا مثلاً نروح لل Machine Learning Engineering
لكن خلينا بشكل مبدأي نروح لل Descriptive statistics
المصطلحات دي ممكن تبدأي تدوري عليها وتفهمي عنها عشان صعب أشرحها كلها في كومنت
المهم في كورسات كتير جداً بتتكلم عن ال descriptive statistics على يوتيوب ، دا مش معضلة بإذن الله
- MS Excel
مهم تكون بتعرف تستخدمه كويس جداً ويمكن دي أهم tool لازم تكون بتعرف تستخدمها
ودي كورساتها موجوده بكثرة سواء يوتيوب أو غيره
- SQL
دي لغة برمجة بتستخدم لاستخراج الداتا من ال databases ، طب ايه هي ال databases؟ دي مكان لتخزين الداتا بردو بشكل منظم، طب ليه مش بنخزنها في Excel sheet عشان ال database بتخزن داتا أكتر كتير من ال Excel sheet ولأسباب تانية بردو بس دي أهمها
لذلك في شركات عندها كم كبير من الداتا فبتحتاج حد يعرف يتعامل معاها ويستخرجها ودا بيبقى عن طريق ال SQL
ف المهم إني أعرف ال syntax بتاعة ال SQL وبعد كدا أشوف tool ابدأ استخدمها زي على سبيل المثال SQL Server أو SQL Developer
- PowerBI / Tableau
دول اتنين tools من شركات مختلفة وظيفتهم الأساسية هي ازاي ت visualize ال Raw data ال طلعت من ال analysis اللي انت عملتها عشان تبقى مفهمومة لكل الناس

طيب بالنسبة ل SQL و PowerBI و Tableau ألاقي كورساتهم فين
عندك منصات كتير زي datacamp - datascience365 - Udacity
وكمان اليوتيوب عليها كورسات متفرقة لكن بصراحة كورسات قيمة جداً ، وممكن تكون كورسات مش كاملة بس زي ما بدأت كلامي إن مفيش كورس كامل خصوصاً في ال DA لكن في كورسات متفرقة هتخدم مهارات معينة

حاجة تانية بردو ممكن نلجأ لمنحة ال FWD من وزارة الاتصالات ، بس مش عارف هي لسه فاتحة ولا لأ بصراحة

- Python
دي لغة برمجة ممكن نقول إنها ممكن تقوم بوظيفة ال Excel و ال SQL و PowerBI و Tableau عادي جداً
وفي ناس بتستخدمها ك بديل لحاجة واحدة منهم ، المهم في شركات بنحتاج يكون معاكي Python ودي لغة برمجة هتحتاجي تذاكري ال basics بتاعتها
وال Python كورساته مالية اليوتيوب
بس دايماً أنا بفضل ك بداية كورس مع بشمهندس محمود أحمد (Mahmoud Ahmed) أو في ناس كتير كانت بترشح Codezilla مع بشمهندس إسلام محفوظ
وفي ناس بترشح مذاكرته من الكتب
المهم أنا كان ترشيحي الأفضل هو مذاكرة ال basics مع اللي تستريحله منهم وتدخل بعدها علطول على FWD ، طب ليه ؟ عشان كورسات ال FWD ميزتها إنها بتطبق كل المفاهيم بتاعة ال Data Analysis أو ال Statistics ال هم شرحوها عن طريق بايثون ، ف دي ميزة بتخليك تدرب أكتر على بايثون بالإضافة لفهم أعمق للحاجات اللي اتشرحت
وبعد ما نذاكر ال Python هنشوف tool بتتسخدم بايثون زي Jupyter notebook مثلاً

ف لو جينا ن list الskills اللي أنا قولت عليها
Soft skills .. Descriptive statistics .. Excel .. SQL .. PowerBI / Tableau .. Python (Preferred)

آخر حاجة حابب أتكلم عنها وهي إن للأسف ال titles بتاعة مجالات الداتا كلها داخلة في بعض حالياً ، بمعنى إن للأسف كله بيعمل شغل بعضه ، ف دايماً الأفضل إننا نبص على ال description بتاع الوظيفة هو دا اللي هيحدد المهارات المطلوبة متوفرة فيا ولا لأ

بالتوفيق

شكرا جزيلا


شكراً لكم.
#Mostafa_Attia #مصطفيات